تيج قابل عرف تيجومل موٽومل
ڀاڳچنداڻي
انڊيا ۾ سنڌي ٻولي جو هڪ
ٻيو رکوال تيج قابل پڻ پرلوڪ پڌاري ويو.
شوڪت شورو
تيج قابل جو اصل نالو
تيجومل موٽومل ڀاڳچنداڻي هو. هن جو جنم دادو سنڌ ۾ ۱۵ آگسٽ ۱۹۳۲ ۾ ٿيو. هن بي اي، بي ايڊ ۽ ايم اي هسٽري ۾ ڪئي.
تيج پهرين ڪنڊلا پورٽ ۾ نوڪري ڪئي. هو هڪ ٽرينڊ ٽيچر هو، ان ڪري بعد ۾ اسڪول ٽيچر ٿيو
۽ گجرات جي هڪ اسڪول جي پرنسپل جي حيثيت سان رٽائر ڪيائين.
تيج قابل سنڌي ٻولي
جو برک ليکڪ هو. ”سونهاري سنڌ“، ”سنڌي ڪوش“، ”ڪڇ جي ڪلا“، ”گجرات جا شهر“ ۽ ٻين ڪيترن
ڪتابن کان سواٰءِ هن هڪ ناول بہ لکيو هو. تيج قابل کي ۱۰ ادبي انعام مليا هئا جن ۾ نيشنل ڪائونسل
فار پروموشن آف سنڌي لئنگئيج طرفان ايوارڊ، گجرات سنڌي اڪادمي پاران ساهتيہ گورَوِ
پرسڪار، گجرات سرڪار طرفان بيسٽ پرنسپل ايوارڊ شامل آهن.
تيج قابل ڪڇ ۽
گجرات جي مختلف شهرن ۾ ڪيترا ئي ادبي سيمينار ۽ ورڪشاپ ڪرايا. سندس جيون ۽ فن تي ”ڇوليون“
مخزن جو خاص نمبر پڻ شايع ٿيو هو.
هن جي نياڻي نشا واڌواڻي
سنڌي ٻولي جي ليکڪا آهي.
سنڌ جو وڇڙي ويل پٽ
تيج قابل ۸۶ سالن جي عمر ۾ ڪڇ جي شهر گانڌيڌام ۾ دنيا کي تياڳي ويو.
No comments:
راءِ ڏيندا