عبدالرزاق ڪلهوڙو
رياضت ٻرڙو
مُنهن تي ماٺيڻي مرڪ رکندڙ
عبدالرزاق ڪلهوڙو، پنهنجن آزاد ۽ نثري نظمن جيان، ٿڌي طبيعت وارو ۽ خاموش طبع شاعر
آهي. پابند شاعريءَ سان تعلق بلڪل گهٽ، سبب اهو ئي، ته شاعريءَ جي بحرن ۽ وزنن سان
طبيعت کي هم آهنگ ڪري نه سگهيو آهي. سندس شاعريءَ ۾ توجهه گهرندڙ خيال ڪثرت ۾
موجود آهن.
عبدالرزاق ولد حڪيم هدايت اللھ
ڪلهوڙو ۹ آڪٽوبر ۱۹۷۱ع تي، ڳوٺ ڀاوند لاکا، تعلقي قنبر ۾ پيدا ٿيو. بِي ايس سِي
تائين تعليم حاصل ڪري، طبيه ڪاليج لاڙڪاڻي مان ڪورس ڪيائين. هُو گذريل ڪجهه وقت
کان ڳوٺ ۾ والد جو شفاخانو هلائي رهيو آهي.
عبدالرزاق چواڻي: ”قلمڪار بنجڻ کان
اڳ ادبي سنگت قنبر شاخ جي ڪجهه واقفڪار دوستن ۽ ليکڪن جون لکڻيون پڙهيم، ته منهنجي
من ۾ به ادبي اتساهه جو مها ساگر ڇوليون پائڻ لڳو. منهنجي پهرين لکڻي، ۱۹۹۹ع ۾، هڪ
تاثر ’خواب‘ روزاني ’جاڳو‘ ڪراچي ۾ ڇپِي، ته چاهه وڌي ويو. آخر سنگت جي سٿ
۾ شامل ٿيندي باقاعدي لکڻ جي شروعات ڪئي.“
عبدالرزاق ڪلهوڙو نومبر ۲۰۰۳ع ۾
س.ا.س. قنبر جو ميمبر ٿيو ۽ ۲۰۰۵ع ۾ آڊيٽر رهيو.
سندس مستقل رهائش ڳوٺ ڀاوند لاکا ۾
آهي.
No comments:
راءِ ڏيندا