قمرالدين ’قمر‘
رياضت ٻرڙو
قمرالدين ’قمر‘ قنبر جو عوامي ۽
قومي درد رکندڙ شاعر آهي. وطن سان حُب، سندس شاعريءَ جو بنيادي جُز آهي. سندس
شاعري غريب ۽ مسڪين ماروئڙن جي ڏکن ۽ تڪليفن جي ترجماني ڪري ٿي. هن روماني شاعري
پڻ ڪئي آهي ۽ ڪجهه ڪهاڻيون ۽ تاثر به لکيا آهن.
قمرالدين ولد امام بخش خاصخيلي ۶
آگسٽ ۱۹۵۸ع تي، ڳوٺ الهه يار مستوئي، تعلقي ميرو خان ۾ پيدا ٿيو. ۱۹۶۵ع ۾ سندس
ڪُٽنب ڳوٺ گهٽهڙ، تعلقي قنبر ۾ لَڏي آيو، جنهن بعد ميرو خان، قنبر شهر ۽ دادو ۾
رهڻ کان پوءِ، ۱۹۸۴ع کان مستقل طور قنبر ۾ آباد آهي. هن ۱۹۹۰ع ۾، اسلامڪ ڪلچر ۾،
ايم اي (پرائيويٽ)، شاهه عبداللطيف يونيورسٽي خيرپور ميرس مان پاس ڪئي. هُو ۱۹۸۵ع
۾ ميونسپالٽي قنبر ۾ ملازم مقرر ٿيو ۽ ۲۰۰۱ع کان وٺي، يونين ڪائونسل ۲، قنبر شهر،
جو سيڪريٽري آهي.
قمرالدين قمر ۱۹۹۱ع ۾ شاعري شروع
ڪئي. شاعريءَ ۾ شورش سنڌي سندس رهنما آهي. هن شاعريءَ جي لڳ ڀڳ سڀني صنفن ۾ لکيو
آهي. هُو س.ا.س. قنبر جو ۱۹۹۶ع ۾ ميمبر ٿيو ۽ ۱۹۹۸ ۾ خزانچي، ۲۰۰۰-۱۹۹۹ع دوران آڊيٽر، ۲۰۰۱ ۾ ميمبر
ڪاروباري ڪاميٽي (م.ڪ.ڪ)، ۲۰۰۲ ۾ جوائنٽ سيڪريٽري، ۲۰۰۳ ۾ سيڪريٽري، ۲۰۰۴ ۾
م.ڪ.ڪ.، ۲۰۰۵ ۾ سيڪريٽري، ۲۰۰۶ ۾ آڊيٽر ۽ ۲۰۰۷ع ۾ م.ڪ.ڪ. آهي. هُو سنگت قنبر جو
سرگرم ميمبر ۽ عهديدار رهيو آهي. سندس سياسي تعلق جسقم سان آهي. هُو علمي ۽ سماجي طور ڊاڪٽر محبت اڪيڊمي جو ميمبر ۽
عهديدار به رهيو آهي. سندس مستقل رهائش شهدادڪوٽ روڊ سان، حسين آباد محلي،
قنبر ۾ آهي.
No comments:
راءِ ڏيندا