حسن علي هَڪڙي جون بي تڪلف ڳالهيون - رياضت ٻرڙو

حسن علي هَڪڙي جون بي تڪلف ڳالهيون

رياضت ٻرڙو

سڃاڻپ: شاعر، ڪهاڻيڪار ۽ مڊل ڪلاس جو ماڻهو.

والد جو نالو: عبدالستار هڪڙو.

ڄم-تاريخ: ۱-مارچ ۱۹۴۵ع، بٺي هڪڙا ڳوٺ، تعلقو ميرو خان.

تعليم: گريجوئيشن.

روزگار: رٽائرڊ سرڪاري ملازم.

پهرينءَ ملاقات ۾ ماڻهوءَ جي ڪهڙيءَ ڳالهه جو جائزو وٺندا آهيو؟ - سندس گفتگوءَ جو.

توهان جي روزاني زندگيءَ جو بنيادي اصول:

- اولاد لاءِ جدوجهد ڪرڻ، ته ڪنهن درجي تي پهچي.

ڪهڙيءَ ڳالهه تي اداس ٿيندا آهيو؟

- جيڪا طبيعت لاءِ اڻ وڻندڙ هجي.

اداس لمحن ۾ ڇا ڪندا آهيو؟ - ماضيءَ کي ياد ڪندو آهيان.

ڪهڙيءَ ڳالهه تي خوش ٿيندا آهيو؟ - اولاد جي خوشين تي.

خوش لمحن ۾ ڇا ڪندا آهيو؟

- ٻين سان خوشيون شيئر ڪندو آهيان.

ڪهڙيءَ ڳالهه تي چِڙ لڳندي اٿوَ؟

- منافقيءَ ۽ ڪوڙ ڳالهائڻ تي.

ڪهڙيءَ ڳالهه تي روئڻ ايندو اٿوَ؟

- ڪنهن به پياري شيءِ جي وڇوڙي تي.

توهان جي ڪهڙيءَ عادت کان گھر وارا بيزار آهن؟

- غصي کان.

ڪهڙو سپنو ساڀيان ٿيو؟ - ڪو به نه.

ڪهڙو واقعو ڪَنڊي جيان چُڀندو اٿوَ؟

- اولاد جا شاديءَ جا غلط فيصلا.

زندگيءَ جي اُها گھڙي، جنهن زندگي بدلائي ڇڏيوَ؟

- ڪا به گھڙي ڪانهي.

آئينو ڏسڻ سان ڪهڙو خيال ايندو اٿوَ؟ - گھٽ ڏسندو آهيان.

توهان جي ننڍپڻ جا ڏينهن: ڪشمڪش ۽ جدوجهد وارا.

ڪاش! اُهي ڏينهن موٽي اچن: نه.

شاگرد هوندي ڪهڙو سبجيڪٽ نه وڻندو هُيوَ؟ - انگلش.

ڪهڙي جانور کان ڊپ ٿيندو اٿوَ؟ - هر جانور کان.

ڪهڙي سفر کان ڊپ ٿيندو اٿوَ؟ - ڪنهن کان به نه.

ڪهڙي موسيقي ٻُڌندا آهيو؟ - هر قسم جي.

توهان جو پيارو دوست؟ - اولاد.

توهان جي نظر ۾ بهترين سائنسي ايجاد؟ - ڦيٿو.

ڪهڙو وهم پريشان ڪندو اٿوَ؟ - خدا جو خوف.

ڪهڙي شخصيت شدّت سان ياد ايندي اٿوَ؟ - امان.

طبيعت جي لحاظ کان ڪهڙي قسم جا ماڻهو آهيو؟ - وچٿرو.

وڻندڙ شعر:     ايندي چَوَنِي آءُ، ويندي چوني ويهه،

                   ڇڏي سارو ڏيهه، اڱڻ اچجي تن جي.

وڻندڙ گيت:     تون مڃين، مڃين نه مهربان،

                   مان ته منٿ ٿو ڪري ڇڏيان.

وڻندڙ شاعر: شاهه لطيف.

وڻندڙ اديب: امر جليل.

وڻندڙ اخبار: ڪاوش.

وڻندڙ صحافي: علي قاضي.

وڻندڙ فلم: ديوداس (دليپ ڪمار واري).

وڻندڙ گلوڪار/ گلوڪارا: محمد جمن/عابده پروين.

وڻندڙ موسيقار: نوشاد.

وڻندڙ لوڪ فنڪار/ فنڪارا: علڻ فقير/ ----

وڻندڙ ٽي وي پروگرام: سنڌي ڊراما.

وڻندڙ ريڊيو پروگرام: آل انڊيا جو ”منهنجي پسند“.

وڻندڙ ميوزيڪل انسٽرومينٽ: باجو.

وڻندڙ شهر: قنبر.

وڻندڙ وقت: شام جو.

وڻندڙ ڏينهن/مهينو: آچر/ محرم الحرام.

وڻندڙ ڏڻ: عيد جا.

وڻندڙ موسم: بهار.

وڻندڙ لباس: سلوار قميص.

وڻندڙ راند: ڪرڪيٽ.

وڻندڙ رانديگر: جاويد ميانداد.

وڻندڙ سواري: ڪار.

وڻندڙ گل: موتيو.

وڻندڙ خوشبوءِ: موتيي جي.

وڻندڙ مشروب: چانهه.

وڻندڙ ميوو: انب.

وڻندڙ کاڌو: چانورن جي ماني ۽ پَلي.

وڻندڙ موضوع: ادب.

توهان جو مشن: اولاد کي ڪنهن منزل تي پهچايان.

توهان کي خط ڪهڙيءَ ايڊريس تي لکجي؟

- معرفت ڊاڪٽر محبت اڪيڊمي، علي خان پاڙو، تعلقو قنبر.

(مئي ۲۰۰۳ع)