منصور ابڙو
رياضت ٻرڙو
منصور ابڙو ڀلوڙ شاعر آهي، پر
هو ذاتي مصروفيت سبب شاعريءَ کان پرڀرو رهيو آهي. منصور احمد
ولد انور علي ابڙو
۷ ڊسمبر ۱۹۷۱ع تي، لاڙڪاڻي
شهر ۾
پيدا ٿيو. هن ابتدائي تعليم لاڙڪاڻي ۾ پِرائي، جنهن بعد بِي ايس
سِي آنرز (سلور ميڊل) ۽ ايم ايس سِي، زولاجي سبجيڪٽ ۾، سنڌ يونيورسٽيءَ مان فيڪلٽي
ٽاپ ڪندي پهرين پوزيشن حاصل ڪئي ۽ گولڊ ميڊل ماڻيو. هُو ۱۹۹۷ع ۾، گورنمينٽ ڊگري
ڪاليج ڪنڌڪوٽ ۾ زولاجي جو ليڪچرر مقرر ٿيو ۽ ۲۰۰۶ع کان وٺي ڊگري ڪاليج لاڙڪاڻي ۾
پڙهائي رهيو آهي. هاڻ اسسٽنٽ پروفيسر آهي.
هن شاعريءَ جي شروعات ۱۹۹۰ع ۾ ڪئي.
سندس ادبي رهنمائي نالي واري شاعر جواد جعفريءَ ڪئي. هن شاعريءَ جي لڳ ڀڳ سڀني
صنفن ۾ لکيو آهي، پر خاص طور غزل پسنديده صنف اٿس. سندس ڪافي مواد مختلف اخبارن ۽
رسالن ۾ ڇپيل آهي. هُو سنڌي ادبي سنگت سنڌ يونيورسٽي شاخ جو ميمبر ۽ جوائنٽ
سيڪريٽري پڻ رهيو آهي. هن زولاجيءَ جون ڪيتريون ئي سکيائون ڏنيون ۽ ڪيون پڻ آهن. سندس رهائش سچل ڪالوني، لاڙڪاڻي ۾ آهي.
No comments:
راءِ ڏيندا