الطاف جوکيو - رضوان گل

الطاف جوکيو

نثر نگار، محقق

رضوان گل

• پورو نالو: الطاف حسين جوکيو

• پيءُ جو نالو: محبوب علي جوکيو. (سنڌي ادب ۽ تعليم سان وابسته)

• جنم: ۲۲ نومبر ۱۹۶۴ع، محراب پور ضلع نوشهرو فيروز.

• ميٽرڪ: ۱۹۸۰ع، گورنمنٽ هاءِ اسڪول محراب پور.

• تعليم: ايم اي (سنڌي) ۱۹۸۶ع، ايل ايل بي، بي ايڊ موجوده حالت ۾ پي ايڇ ڊي ۾ رجسٽريشن آهي ۽ فائينل سيمينار رهيل آهي.

• موضوع: ’عربي- سنڌي صورتخطيءَ جي ترجيحي صورتن جو اڀياس‘؛ هن کان اڳ ايم.فل ۾ ’عربي- سنڌي آئيويٽا ۽ صورتخطيءَ جو اڀياس‘ هيو.

• وندر: ٻوليءَ ۽ گرامر جي نڪتن تي ڪم ڪرڻ. ان کان علاوه خطاطي: قرآن شريف جو قلمي قرآن لکيو ويو جنهن ۾ بسم الله جون مختلف ڊزائنون رکيون ويون آهن.

• پيشو: غلام رباني آگرو گورنمينٽ ڊگري ڪاليج ڪنڊياري ۾ اسسٽنٽ پروفيسر (سنڌي) طور ڪم ڪري رهيو آهي. هن کان اڳ جنوري ۱۹۸۶ع ۾ جونيئر هاءِ اسڪول ٽيچر، ۱۹۹۵ع ۾ هاءِ اسڪول ٽيچر ۽ ۱۹۹۷ع ۾ ليڪچرار ٿيو.

• ڪم:

• عربي- سنڌي صورتخطيءَ جي ترجيحي صورتن جو اڀياس- ٿيسز

• ۲۰ ڇپيل رسرچ پيپرز. مختلف تحقيقي جرنلن ۾: ’سنڌي ٻولي‘ پاران سنڌي لئنگويج اٿارٽي حيدرآباد، ’ڪلاچي‘ پاران: ڪراچي يونيورسٽي، ’ڪارونجهر‘ پاران: وفاقي اردو يونيورسٽي ڪراچي. سر ڪيڏارو وغيره. ان کان علاوه ادبي لحاظ کان ٻه ناٽڪ ڇپيل.

• اڻ ڇپيل مواد: ’عربي- سنڌي آئيويٽا جو اڀياس‘ سنڌي لئنگويج اٿارٽيءَ جي پبلشنگ ڪاميٽيءَ جو پاس ڪيل؛ اشتقاقن جي لغت.

• سنڌي لئنگويج اٿارٽيءَ جي انفرميٽڪس ڪاميٽيءَ جو ميمبر

• آغا خان يونيورسٽيءَ جي اگزيمنيشن بورڊ جي پينل تي ميمبر، ٽرانسليٽر رهيو.

• ڊاڪٽر محبت ٻرڙو- ٻوليءَ جو ايوارڊ ۲۰۱۳ع حاصل ڪيل.