پروفيسر جهامنداس ڀاٽيا
غلام محمد گرامي
سنڌي ادب جي برک ليکڪ ۽ صوفي
اهل قلم پروفيسر جهامنداس ڀاٽيا، شڪارپور ۾ ۳۰ ڊسمبر ۱۹۶۵ع تي پرلوڪ پڌرايو.
پاڻ شڪارپور ۾ ۱۸۹۸ع ۾، هڪ مشهور
شاهاڻي خاندان ۾ جنم ورتائين. اڃا اٺن ورهين جي ڄمار جو هو ته سندس والده وفات
ڪئي. والده جي وفات کانپوءِ، سندس زندگيءَ ۾ عجيب ڦيرو آيو. سندس خيال ويدانتي ۽
صوفياڻا هئا. ننڍي عمر کان وٺي، صوفين، درويشن، سامين ۽ جوڳين جي سنگت ۾ رهي، پاڻ
۾ روحاني رنگ پيدا ڪيائين. صوفين ۽ درويشن جي صحبت جي اثر ڪري اجائي ٺٺ ٺانگر ۽
شان شوڪت کان هميشه بيزار رهيو. شاهوڪار-شاهيءَ کان نفرت هوندي هيس،
۽ طبيعت سادگيءَ ۽ فقيريءَ ڏانهن مائل هيس.