نواز محمد انصاري
لاڙ جي مشهور ڍولڪ جو وڇوڙو
عبدالمجيد ملاح
لاڙ جو مشهور ڍولڪ
نواز استاد محمد انصاري هن فاني جهان مان ۱۹ جنوري ۲۰۲۲ اربع جي ڏينهن هن فاني جهان مان لاڏاڻو ڪري ويو، مرحوم
کي اباڻي قبرستان شاهه قادري ۾ سوين آلين اکين سان دفنايو ويو. مرحوم استاد محمد
انصاري موجوده وقت جو نالي واري موسيقار استاد فنڪار غلام قادر راهيءَ جو والد هو.
مرحوم استاد محمد انصاري نالي وارن فنڪارن عابده پروين، استاد محمد جمن، استاد مٺو
ڪڇيءَ، سميت وڏن فنڪارن سان ڍولڪ تي سنگت ڪري چڪو هو. مرحوم پنهنجي زندگي غربت ۾
گذاريندي فن کي ارپي ڇڏي، هن ڪيترائي ڍولڪ جا شاگرد پيدا ڪيا جن پڻ ڪافي نالو ڪمايو،
استاد محمد انصاري لاڙ ۾ وڏو نالو هو.