ڇتو ڪوري
[۱۵۴۸ع – ۱۵۹۸ع]
ميمڻ عبدالغفور سنڌي
دنيا ۾ ڪي انسان پنهنجي ڪارنامن کان مشهور هوندا آهن، ته
ڪي وري فطري لحاظ کان، مخصوص عادتن، طور طريقن ۽ فڪري صلاحيتن سببان پري پري تائين
اهڙا ته پڌرا هوندا آهن، جو پنهنجي وقت ۾ ته وارو وڄائي ويندا آهن، پر مرڻ کان
پوءِ به هو پنهنجا ڪرتب عام ماڻهن جي ذهنن ۾ هميشہ هميشہ لاءِ نقش ڪري ويندا آهن.
اهڙن نامورن مان محمد ڇتل ولد محمد صابن ڪوري[1] به
هڪ ٿي گذريو آهي. سندس ولادت خيرپور رياست جي ڳوٺ ”کهڙا“ ۾ ۲۲ صفر
المظفر ۹۵۵ هه مطابق ۳ اپريل ۱۵۴۵ع تي ٿي آهي. سندس وڏا ڪپڙي اڻڻ کان علاوه زمين جو ٽڪرو
به آباد ڪندا هئا.