پير آغا حاجي عبدالستار جان سرهندي
تذڪره شعراء ٽنڊو محمد خان
اعظم ڀٽي
حضرت مجدد الف ثاني خواجه شيخ
احمد سرهندي رحه جي اولاد مان ٻارهين پۡشت تي، پير آغا عبدالرحمان جان سرهندي هو،
ان جو پوٽو ۽ پير آغا محمد حسن جان سرهندي جو ٻيو نمبر فرزند، پير آغا عبدالستار
جان سرهندي ۱۸۹۳ع مطابق ۱۳۱۱هجري ۾ موجوده ٽکڙ يعني وسي ملوڪ شاهه (ٽنڊي محمد خان) ۾ پيدا ٿيو. خواجه
عبدالرحمان جان سرهندي جن جو پنهنجي هن پوٽي سان تمام گهڻو قرب هوندو هو. کيس سڄو
ڏينهن پنهنجي دوش مبارڪ تي سواري ڪرائيندا هئا. خوش طبعيءَ جي نموني ۾ پۡڇندا هئس
ته ”تو چنين و چنان هستي“ ته پاڻ يڪدم طوطلي زبان ۾ چوندو هو ته ”تو چنين و چنان
هستي.“