نرگس لطيف
هڪ عورت، جنهن ڪچري مان
سون بنائڻ جونعرو ڏئي، پوري دنيا کي متوجهه ڪيو آهي.
جان خاصخيلي
جڏهن نرگس لطيف سنڌي
ادبي سنگت ڪراچي جي گڏجاڻين ۾ آئي هئي ته ڪجهه دوستن سان هن جي اڳئي واقفيت هئي پر
اهو سندس شخصيت ۽ بردباري جو ڪمال هو ته هوءَ جلدي ۾ سڀني سان ملي جُلي وئي هئي ۽
هن کي ڪا به اوپرائپ محسوس نه ٿي. ان وقت هوءَ صحافت سان لاڳاپيل هئي. هوُءَ ڊان،
فرنٽيئر پوسٽ، دي مسلم، اسٽار ۽ ڊيلي نيوز لاءِ لکندي هئي ۽ سندس چوڻ موجب ان لکڻ
مان ئي سندس اقتصادي ضرورتون پوريون ٿينديون هيون.