شنگرفي حڪيم
حسين ڪپري
تن طبيب ته گهڻا ٿي گذريا پر حڪيم
سائين ڏني سنياسي جي ڳالهه ڪجهه اور آهي. سندس باري ۾ ايتريون ڳالهيون مشهور آهن
جيتريون محلاتي سازشن جي باري ۾ به ڪونهن.
هو وڏو نبض شناس ۽ قابل حڪيم
آهي. هن وٽ لاعلاج مريض به شفاياب ٿين ٿا ۽ موت کان سواءِ هر مرض جو علاج ڪري ٿو،
انهيءَ ڪري کيس شفاءُ الملڪ جو لقب به مليل آهي.
هو هڪ اشراف، دل جو صاف ۽ سادو
شخص آهي. اها ٻي ڳالهه آهي ته ڪي ماڻهو سندس سادگيءَ جو ناجائز فائدو به وٺي ويندا
آهن.