عبدالجبار لغاري المعروف ببلي
عزيز گوپانگ
تڏهن سنڌ ۾ اڃا ڪوچ سروس شروع ڪانه ٿي هئي، نه ئي ڪي
”بائي پاس“ ئي ٺهيا هئا، جي ٽي ايس ”گورنمينٽ ٽرانسپورٽ سروس“، جيڪا بعد ۾ ايس آر ٽي
سي ”سنڌ روڊ ٽرانسپورٽ سروس“ ۾ تبديل ٿي هئي ۽ خانگي بسون روڊن تي ڊوڙنديون هيون، انهن
ئي ڏينهن ۾ گول باڊي واريون بسون به رواج ۾ اچي ويون هيون، تڏهن سڪرنڊ جي بس اسٽاپ
تي هڪ اڌڙوٽ عُمر جو شخص ڪڇ ۽ هٿن ۾ اخبارن جا تها ۽ ڪُجهه رسالا کڻي هر بيهندڙ بس
۾ چڙهي ايندو هو!